top of page

DINI GAWAI TAUN TU?

28 APRIL 2022 :


KUCHING: Enda berasai udah deka manggai bulan 5. Baka ka taun tu kitai bepeluang deka nyambut Gawai sepengudah 2 taun enda ulih begawai ketegal penanggul penusah Covid-19 ti nuntung dunya. Taja pia, SOP agi dijaga maya begulai enggau bala kaban belayan maya Gawai.



Nyerumba pengawa besai kitai bansa Dayak, OCHSP enda tinggal mega ngenataika lagu-lagu Gawai ba taun 2022. Semua proses rakaman udah mupuk diadu bepun ari bulan 4 tu tadi. OCHSP ngenataika 10 buah lagu Gawai ti baru iya ka disada ngena chara duet tauka koir Raban OCHSP. Dipelabaka penanyi OCHSP ti ngenataika diri merindang lagu Gawai taun tu penyampau iya 15 iku. Antara penanyi laki ti bisi nyadaka lagu-lagu Gawai OCHSP ianya, Ram Ringgit, Clinton Ijau, Dat Sejili, Edwin Boi, Ariey Santoz, Sandin Sliong enggau Gulliver Thomas, pia mega enda tinggal sida penyanyi indu ti bisi dalam projek lagu Gawai OCHSP 2022 tu, ianya Jessica Remaya, Eisner Nala, Diana Ant Belikau, Mitz Suzila, Helena serta enda tinggal mega Christal Natallie.





Lagu-lagu Gawai tu ngenataika keranjai jari ari komposer Aldrin M. Doughlas, Dat Sejili, Gulliver Thomas, Mitz Suzila, enggau Oliver OCHSP empu ti nyadi producer projek lagu Gawai taun tu. Antara lagu-lagu Gawai ti udah diperambuka ianya Anang Beguai Pulai Maya Gawai & Nyadi Cung Maya Gawai - Leka & Tiun Mitz Suzila. Anang Beguai Pulai Maya Gawai disadaka raban OCHSP lalu Nyadi Cung Maya Gawai disadaka Mitz Suzila beduet enggau Helena. Kedua lagu berentak joget & Dangdut Iban sigi engkeman dikena maya ngansarka kaki maya Gawai ila. Lagu-lagu ka bukai mega bisi dikeluarka, baka Mantar Malam Gawai, Besampi Maya Gawai serta iya ka bukai.





Kesemua lagu-lagu Gawai tu deka dikeluarka ba OCHSP Official Youtube Channel. Nuju bala peninga ti bedau Subscribe, kita tau nekan loceng ba channel OCHSP. Naka ka diatu bala raban OCHSP benung dalam proses rakaman video lagu Gawai ti deka datai. Dini endur shooting baka ka sekali tu? OCHSP deka mai peninga nujah menoa pelilih muaka Betong lalu arapka semua pengawa ti diperambu mujur datai ka adan.




Terima kasih nuju bala peninga ti seruran nyukung pengawa pemerindang ari raban OCHSP. Arapka Gawai taun tu ulih mantup ka pengelengau semua bala peninga ti lama udah enda pulai serta begawai ba menoa diri tauka begempuru diri menyadi. Teruska sukung bala kita.




190 lihatan0 komen

Siaran Terkini

Lihat Semua